ઈન્દ્રધનુષનો આઠમો રંગ: રસ્તા વિશેના મોનો-ઈમેજ

Tuesday, April 22, 2008

રસ્તા વિશેના મોનો-ઈમેજ

(૧)
રસ્તાના દરેક વળાંકે
એક પડઘો સંભળાય છે
કે - everyone wants change

(૨)
હસીને
મળી લઉં છું
બધાને હવે
મને જિંદગી જીવવાનો
રસ્તો મળી ગયો

(૩)
મારા શહેરના રસ્તાઓએ
કોર્ટને લખ્યો છે એક ખત ;
'મારા શહેરમા વૃક્ષોની છે અછત'

(૪)
જ્યારે
હું વૃક્ષનો ટેકો લઈ
બેઠો હોઉં છું
ત્યારે હું રસ્તો હોઉં છું

(૫)
એ રસ્તો પણ
કેટલો ખુશનસીબ છે

કે જ્યાંથી
દાંડીકુચની શરૂઆત થઈ !

(૬)
રસ્તો એટલે શુ?
;કોઈ માટે રસ્તો કરી જુઓ

- જિગર જોષી 'પ્રેમ'

2 comments:

Milind Gadhavi said...: રસ્તો એટલે શુ?
કોઈ માટે રસ્તો કરી જુઓ

wah wah wah; April 26, 2008 at 2:51 AM
Milind Gadhavi said...: જ્યારે
હું વૃક્ષનો ટેકો લઈ
બેઠો હોઉં છું
ત્યારે હું રસ્તો હોઉં છું

bov saras!!!; April 26, 2008 at 2:52 AM

Warning

All the poetries (stanzas) posted here have been published in reputed magazines and newspapers and thereby hold the copyrights of the poet. Any kind of commercial or non-commercial usage of these poetries (stanzas), without prior permission of the poet, shall have to face legal actions.

એક તાજ્જા ફૂલ જેવા સમાચાર

મારા નિવાસ સ્થાને મારા પિતાશ્રીએ જાતે એક શબ્દ ચિત્ર કલાભવનની સ્થાપના કરેલ છે, જ્યાં ૧૦૦ ઉપરાંત શબ્દ ચિત્રોનું પ્રદર્શન કાયમને માટૅ ખુલ્લુ મૂકવામાં આવ્યુ છે. લગભગ ૫૦ લાખ લોકોએ આ કલાભવનની મુલાકાત લીધી છે. આ શબ્દચિત્ર કલાભવનને એક જોવા લાયક સ્થળ તરીકે વિકસાવવા માંગુ છું, જેથી ભાવિ પેઢીને વરસો સુધી આ કલાને નીહાળવાનો મોકો મળે. આ કલાભવન બનાવવા અને વખતો વખત સહિત્યિક, સાંગીતિક, સાંસ્ક્રૂતિક પ્રવ્રુત્તીઓ કરવા અને લલિત કલાઓને જિવંત રાખવા તાજેતરમાં "જીવન-કલા ફાઉન્ડેશન" નામે એક ટ્રસ્ટ્ની સ્થાપના કરી છે.
કલા એ ઈશ્વર તરફથી માનવીને મળેલી ઉત્તમોત્તમ ભેટ છે, બક્ષીશ છે. અને કલાને જીવંત રાખવી એ મારી - તમારી- આપણા સૌની જવાબદારી છે.

જીવનકલા ફાઉન્ડેશન, રાજકોટ સાર્વજનીક ટ્ર્સ્ટ ૧૯૫૦ના મુંબઈ સાર્વજનીક ટ્ર્સ્ટોને બાબત(સન ૧૯૫૦ના મુંબઈના ૨૯મા) અધિનિયમ અન્વયે રાજકોટખાતેની
સાર્વજનીક ટ્ર્સ્ટ નોંધણીની કચેરીમાં યોગ્ય રીતે આ ટ્ર્સ્ટનું રજીસ્ટ્રેશન કરવામાં આવ્યુ છે. જેના રજીસ્ટ્રેશન નં ઈ/૮૭૨૫ છે.

જીવનકલા ફાઉન્ડેશન, રાજકોટના હેતુઓ આપની સમક્ષ મૂક્તા અત્યંત આનંદ થાય છે.

બાળકોના સર્વાંગી વિકાસ સાધવા માટૅ, તેમને શીક્ષણ, કેળવણી, તાલીમ આપવા વર્કશોપ, પ્રયોગશાળા, બાળ વિકાસ કેન્દ્રો,
તેમજ એવી જરૂરી તમામ પ્રકારની સંસ્થા કે સંસ્થાઓ શરૂ કરી શકશે, ચલાવી શકશે, નિભાવી શકશે.
બાળકો માટૅ ગુજરાતમાં પ્રથમ વખત શબ્દ ચિત્ર કલાભવનના બિલ્ડીંગની સ્થાપના કરી બાળકોને ઉત્તમ કેળવણી મળે તેવા પ્રયાસો હાથ ધરી શકશે.
તમામ પ્રકારની સાહિત્ય પ્રવુત્તીઓ કરી લોકોના રસ રુચિને સાહિત્યના વિભિન્ન અંગો પ્રતિ પ્રોત્સાહિત કરી શકશે.
આ માટૅ પરિસંવાદો, પરિષદો, જ્ઞાનસત્રો, કાવ્યપઠન બેઠકો, જ્ઞાન શિબિરો આદિનું આયોજન કરી શકશે.
નફો પ્રાપ્ત કરવાના હેતુઓ સિવાય સાહિત્યિક પ્રકાશન, મુદ્રણ અને વિતરણ કરી શકશે.
પુસ્તકાલયો, વાંચનાલયો અને ઉત્તમ સાહિત્યિક ક્રુતિઓના અનુવાદો લોકોને પ્રાપ્ત થતા રહે તે માટે પ્રકાશનાલયો તેમજ વિવિધ પ્રકારના સામયિકો શરુ કરી શકશે.
વિવિધ કલા જેવી કે સંગીત સાહિત્ય ચિત્ર ફોટોગ્રાફી આદિ કલાના કોઈપણ ક્ષેત્રે ઉત્ક્રુષ્ઠ કાર્ય કરનારની કદર કરવા
એવોર્ડ્ઝ, પારિતોષિકો,સ્મ્રુતિચિહ્નો શિષ્ય્વ્રુત્તીઓ, ફેલોશીપ આદિ આપી શકશે.

આ સંસ્થાને તન - મન - ધનથી મદદ કરવા નીચેના સરનામે સંપર્ક કરવો

મેનેજિંગ ટ્રસ્ટી - મધુકન્ત જોષી ( પ્રખ્યાત બાળ સાહિત્યકાર - શબ્દચિત્રકાર)
પ્રમુખ - ચંદ્રીકાબેન મધુકાન્ત જોષી
ટ્રસ્ટી - જિગર મધુકાન્ત જોષી

મેનેજિંગ ટ્રસ્ટી,
જીવનકલા ફાઉન્ડેશન, રાજકોટ
c/o મધુકાન્ત જોષી,
૫૯/ગંગોત્રી પાર્ક, યુની. રોડ, રાજકોટ ૩૬૦૦૦૫
ફોન ૦૨૮૧-૨૫૮૪૧૬૦મોઃ ૯૯૨૫૧૫૭૪૭૫